Information

Cet article n'est pas disponible en Français. Affichage de la version tamazight.

Tzri tetiknulujiyt aswir n usmkel n tutlayin timaḍalin, mar ad tekcem dɣi g tutlayin id mm isagmen drusnin. Ma mek tettegga tɣist tasemgurt(IA) ad tawes tamaziɣt? D is da ysdiddi unabay n "tinefka tizentarin" tilit-nnes g umaḍal amuṭṭun?

1. Tibɣurin d tlemmaẓ:

  • Asuɣel awurman adɣyan: asbuɣlu u wanawen n tɣist tasemgurt (amm uyenna tssikar Lama neɣ GPT) izḍaren xef usuɣel seg d ɣer tmaziɣt, ayenna ireẓẓan afrag n tutlayt.
  • Asnfel u uyenna ittusellan s ayenna itteyarun (TTS: TEXT TO SPEECH): tatwilin n tɣist tasemgurt ɣiyyent ad awsent g untam n tnegmi tamiwant tamaziɣt tansbaɣurt d usnfel-nnes s iḍrisen itteyarun s tmaziɣt
  • Aslmed amiɣis: asnulfu n tsensiwin timyaɣin iskuttun xef "Ibuten" iwsselmed n tmaziɣt d ilugan n tutlayt s tɣarast iẓlin s ku asmras.
  • Aseɣti d usɣudu n iḍrisen: imassen n tmenẓit tasnilst tawurmant nna ur illin ɣur tmaziɣt dɣi nɣiy ad ten-nṣku s tazzela ugar, s ulemmud awurman.

2. Timmaẓ:

  • Tadersi n isefka: da tskuttu tɣist tasemgurt xef tmekta iggudin n iḍrisen. Tamaziɣt ttwadgeẓ s tdersi n tumayt tamuṭṭunt itteyarun d itturcafen maci amm tutlayin yaḍen.
  • Amxuzzu: tsul tutlayt tamaziɣt tmxuzza ger isekkilen; sulen winna itturun s usekkil aṛami, ilin awd winna ur iṭffuren ilugan n tirra s usekkil alatini.
  • Tudmawin timuṭṭunin: imizi n ussinef n tutlayt, mek ur ssekiren warraw-nnes ayenna ɣif-sen illan s tirra d ussujd n tumayt ilaqen i wlemmud n talguritmin.

3. Tamlilt n usit "Anamek.org" g uya n tiddezt:

Da ag d-ittelwu tixxutert n usenti anjmu Amm "Anamek.org", acku tiɣist tasemgurt ur da tssekar tussena seg wara, maka tuser taffa n isefka tanefgant igan anlummet.

Tiɣist tasemgurt ur tgi alameɣ atwilit i tmaziɣt, maka tga asuɣen i tudert-nnes. Ya ad nameẓ adɣar ger talguritmin n umaḍal, nɣedd ad neg tutlayt "tanegmit" ittuskurmen g tmektit d izri.